Меню
Мини Чат
HOME » » TV SHOWS » news [ Добавить материал ]

Asia Times. Ի՞նչ կտա Իրանի դեմ պատերազմը Հայաստանին, Ադրբեջանին եւ Վրաստանին
03.02.2012, 21:48
                                                                
  
Մինչ իրավիճակն Իրանի միջուկային ծրագրի շուրջ մնում է լարված, Հարավային Կովկասի առաջնորդները խորհում են, թե ինչպես գործել հնարավոր արտակարգ հանգամանքների դեպքում: Այդ մասին «Asia Times» կայքում հրապարակված հոդվածում գրում է լրագրող Նիկոլաս Քլեյթոնը: 

Նրա խոսքով, բաց հակամարտությունը կամ երկարատեւ լարվածությունը լուրջ հետեւանքներով է սպառնում տարածաշրջանի երեք երկրներին: 

«Նախորդ մի քանի տարիների ընթացքում Իրանը էլ ավելի ազդեցիկ խաղացող է դարձել Հարավային Կովկասում: Ինչպես Հայաստանը, այնպես էլ Ադրբեջանն ու Վրաստանը ձգտում են դիվերսիֆիկացնել տնտեսական եւ քաղաքական կապերը նախկին ավանդական դաշինքներից»,- գրում է հեղինակը` նկատելով, որ Պարսից ծոցում ահագնացող լարվածության ֆոնին երեք երկրների ղեկավարությունը փորձում է հասկանալ իր դերը հակամարտության էսկալացիայի դեպքում: 

Թեեւ որոշ վերլուծաբաններ տեսնում են ելքեր տարածաշրջանի համար, սակայն մյուսներն անհանգստանում են, որ երեք ոչ մեծ երկրները կարող են ներքաշվել անկանխատեսելի հակամարտության մեջ: 

Նիկոլաս Քլեյթոնն ընդգծում է, որ չնայած գաղափարախոսական տարաձայնություններին «Իրանի Իսլամական Հանրապետությունն աջակցեց քրիստոնյա Հայաստանին Ադրբեջանի հետ հակամարտության ընթացքում եւ Ռուսաստանի հետ Երեւանի համար դարձավ կարեւոր քաղաքական աջակցության աղբյուր: Մյուս կողմից, վերջին ամիսներին Ադրբեջանի եւ Իրանի բարդ հարաբերություններն ընկել են ռեկորդային ցածր մակարդակի»: Վերլուծաբանը հիշեցնում է սունի ադրբեջանցիների եւ շիա իրանցիների կրոնական տարաձայնությունների եւ փոխադարձ հաքերային հարձակումների մասին: 

Որոշ փորձագետներն էլ լրջորեն ենթադրում են, որ տարածաշրջանը կարող է շահել ԱՄՆ-ի եւ Իրանի հակամարտությունից: Կոլումբիայի համալսարանի պրոֆեսոր Լինքոլն Միթչելը կարծում է, որ հակամարտությունն ավելի շատ լծակներ կտա Բաքվին: 

«Ադրբեջանը խաղում է «կամ ամեն ինչ, կամ ոչինչ» խաղը: Բաքուն կարող է բարդացնել Իրանի դեմ ԱՄՆ-ի ձեռնարկելիք քայլերը, բայց կարող է եւ դյուրացնել դրանք»,- կարծում է Միթչելը: 

Վրաստանը վերջերս է մի քանի համաձայնագրեր կնքել Իրանի հետ եւ նույնպես կարող է մտնել խաղի մեջ: Մինչեւ այժմ Հարավային Կովկասի վրա ճնշում չի գործադրվել Իրանի հետ հարաբերությունները սառեցնելու նպատակով: Այնուամենայնիվ, վերլուծաբանները կարծում են, որ Հարավային Կովկասի երկրները չեն կարող այս հարցում միշտ չեզոք լինել:
Категория: news | Добавил: Admin(Arsen) | Теги: Ադրբեջանին եւ Վրաստանին, Asia Times. Ի՞նչ կտա Իրանի դեմ պատե
Просмотров: 262 | Загрузок: 0 | Рейтинг: 0.0/0

TV SERIES

banakum               

          anna     hreshtak

               

TV SHOWES

cheinspasum


Read More | Added By   Admin(Arsen) | Reads : 1222  Comments (0)

 
 

Read More | Added By   Admin(Arsen) | Reads : 658  Comments (0)

 
 

Read More | Added By   Admin(Arsen) | Reads : 515  Comments (0)

 
 

Read More | Added By   Admin(Arsen) | Reads : 596  Comments (0)

 
 

Read More | Added By   Admin(Arsen) | Reads : 541  Comments (0)

 
 
                                    

http://hay-ojax.do.am/

 Русские фильмы

 Français Films

 Հայկական Ֆիլմեր

Copyright © 2011 www.Hay-Ojax.do.am | By Admin(Arsen)


Бесплатный хостинг uCoz