«Տոտենհեմի» հետ հանդիպման ժամանակ «Լիվերպուլի» հարձակվող Լուիս Սուարեսը «ոչ սպորտային» պահվածք է դրսեւորել։ Դրվագներից մեկում ուրուգվայցին միտումնավոր հարվածել է Անգլիայի հավաքականի կիսապաշտպան Սքոթ Պարկերին։
Հիշեցնենք, որ վերջերս Անգլիայի ֆուտբոլային ասոցացիան 8 խաղով որակազրկել էր Սուարեսին, ով ռասիստական արտահայտություններ էր կատարել «Մանչեսթեր Յունայթեդի» պաշտպան Պատրիս էվրայի հասցեին։ Իսկ «Ֆուլհեմի» հետ հանդիպումից հետո Լուիսը վիրավորական ժեստեր էր կատարել լոնդոնյան ակումբի երկրպագուների ուղղությամբ։